yasmeena نائبه المدير
عدد المساهمات : 148 تاريخ الميلاد : 21/07/1996 تاريخ التسجيل : 25/02/2011 العمر : 27 العمل/الترفيه : الرسم
| موضوع: بعض السلاطات الإثنين فبراير 28, 2011 10:34 pm | |
| أولا: التومية: أنا باعملها بالطريقة الدايت وبتكون طعمها حلو زى برة بالضبط المكونات:بطاطساية مسلوقة جدا جدا مع الإحتفاظ بمية السلقليمونتين كبار3 فصوص توم كبيرة بيوريه (مفروم ناعم جدا)خل - ملح2 ملعقة زبادى كبيرة4 ملعقة كبيرة مايونيز كبيرةالطريقة : دى بالذات شرحاها بالتفصيل لإنى عايزاكم كلكم تجربوها لو بتحبوا التومية زيى - بتحطوا كل الحاجات اللى فاتت فى الخلاط وندور
[ندعوك للتسجيل في المنتدى أو التعريف بنفسك لمعاينة هذه الصورة]
- لو الخليط سميك نضيف حبة صغيرة من مية السلق ودة بيكون شكلها بعد الضرب
[ندعوك للتسجيل في المنتدى أو التعريف بنفسك لمعاينة هذه الصورة]
ودة الشكل النهائى:
[ندعوك للتسجيل في المنتدى أو التعريف بنفسك لمعاينة هذه الصورة] - بصوا بقى أنا دايما باحتفظ بيها فى برطمان مغلق فى التلاجة زى المايونيز بالضبط وباسحب منه زى ماأنا عايزة بيقعد عندى بالأسابيع وما بيجرالوش حاجة وفى رمضان بيكون متجهز عندى من أول رمضان وباسحب منه الشهر كله ------------------------------------------------------------------------------------------------------------------------------------------------------ ثانيا: الكول سلو : ودى بالذات شرحاها برضه بالتفصيل لإنى لاحظت إنها غاليه عالفاضى بالرغم إن هى سهله جدا تتعمل فى البيت عالأقل حتكون مضمونة
المكونات: - نصف كرنب سلطة - واحد جزرة متوسطة - 3 ملاعق خل كبيرة - 4 ملاعق كبيرة مايونيز - ملح - 4 ملاعق كبيرة سكر - 2 ملعقة كبيرة زبادى
الطريقة: - نقطع الكرنب ناعم لو بالكبة يبقى كويس قوى بس عالسرعة الأولى قبل التقطيع :
[ندعوك للتسجيل في المنتدى أو التعريف بنفسك لمعاينة هذه الصورة]
بعد الفرم :
[ندعوك للتسجيل في المنتدى أو التعريف بنفسك لمعاينة هذه الصورة]
- نبشر الجزر ناعم ولو بمبشرة الكبة يبقى أجمل شوفوا كدة: [ندعوك للتسجيل في المنتدى أو التعريف بنفسك لمعاينة هذه الصورة] - نحط كل مكونات الصوص عى بعضه ولو بالخلاط بيكون متجانس أكتر قبل الخلط : [ندعوك للتسجيل في المنتدى أو التعريف بنفسك لمعاينة هذه الصورة] بعد الخلط : [ندعوك للتسجيل في المنتدى أو التعريف بنفسك لمعاينة هذه الصورة]
- نخلط الخضار بالصوص شوفوا كدة دة الشكل النهائى:
[ندعوك للتسجيل في المنتدى أو التعريف بنفسك لمعاينة هذه الصورة]
ملاحظات هامة جدا: -ما تحاولوش تعملوا كمية كبيرة فى المرة الواحدة لإن طعم الكرنب بيتغير بعد يومين علشان كدة أنا إقترحت نصف كرنبة - الجزر كميته بتكون أقل من الكرنب دايما لو أكتر بيكون لون الصوص برتقالى ودة مش مطلوب ------------------------------------------------------------------------------------------------------------------------------------------------------ ثالثا : الباذنجان : المكونات - باذنجاناية متقشرة و متقطعة مكعبات كبيرة - فص توم مفروم خشن – ( 2 ملعقة خل +ملح+كمون+ 3ملعقة ماء) - ملعقة جزر مبشور ناعم - ملعقة بقدونس مفروم ناعم (فى الكبة)
الطريقة - نحمر الباذنجان فى الزيت ونحطه على ورق يمتص الزيت - نحمر التوم فى الزيت لغاية أما نشم ريحته يعنى مايتلونش - ونطش عليه الخل بعد ما نحط عليه الميةبالخل بالملح والكمون زى الفتة يعنى - نخلط الصوص بالخضار بتكون حلوة قوى ودة الشكل النهائى
[ندعوك للتسجيل في المنتدى أو التعريف بنفسك لمعاينة هذه الصورة]
| |
|
sama مدير عــام للمنتدى
عدد المساهمات : 211 تاريخ الميلاد : 28/01/1993 تاريخ التسجيل : 17/02/2011 العمر : 31 الموقع : التميز العمل/الترفيه : الرسم
بطاقة الشخصية البرنس السيد: 20
| موضوع: رد: بعض السلاطات الإثنين فبراير 28, 2011 11:06 pm | |
| أكثر أكثر من راااااائع
تسلمى يا قمر
:P | |
|
sama مدير عــام للمنتدى
عدد المساهمات : 211 تاريخ الميلاد : 28/01/1993 تاريخ التسجيل : 17/02/2011 العمر : 31 الموقع : التميز العمل/الترفيه : الرسم
بطاقة الشخصية البرنس السيد: 20
| موضوع: رد: بعض السلاطات الثلاثاء مارس 01, 2011 9:09 pm | |
| | |
|